صنعاء نيوز/ عبد الوهاب الشرفي -
اسلوب روعة في التوعية..
أنصح بقراءتة..

الله يرحمه ، ايش حصل له ؟
- فجاة ماعد اقدرش يتنفس واسعفوه للمستشفى وما صح شي ، مات
- الله يرحمه
- المهم ما جلسناش ثلاث ايام الا ولحقت بعده مرته
- لاحول ولا قوة الا بالله
- هي كانت تحنجة قوي و ماقدرتش على فُرقته ، لحقته بعد ثلاث ايام
- قدية عشرة عمر ما عندها حجة
- ومابش يومين الا ومات ابنه الواسطي
- الله يرحمه ويرحمهم جميعا
- وبعده البنت لحقت ، مساكين العيال اقتهروا على امهم وابوهم وما تحملوش لحقوهم
- الله يرحم الجميع
- وابن خالهم هوذاك مسكين مريض ، هو كان يخزن عندهم واصل و غثي عليهم قوي لوما حرق قلبه و ذلحين مرقد في العناية المركزة مدري مايصح منه
- الله يلطف به
- وما قد كملوش العزاء حقهم الا ولحقهم جارهم الذي جنب البيت
- ايوه
- مسكين تاثر عليهم ، هم كانوا حاليين لا عنده و جورتهم طيبة كانهم بيت واحد
- كلام
- شوية وماتت بنت جارهم الثاني ، مسكينه من القهر على المرة كانت مثلما امها وكان كودها عندهم في البيت
- هاا
- مابش بعدها يومين الا ومات ابن جارهم الثاني ، هو اسعفه فوق السيارة و غثي عليه وجلس مكبود من يومها لوما لحقه
- عجيب
- الرجال الصدق كان محترم و فيه قبول من الله من ابسره استحب به ، حتى الدكتور الذي كشف عليه في المستشفى ما غلقش اسبوعين الا وقالوا لنا انه مات ، ماضن الا انه اقتهر عليه والكل
- كان قلت لي هكذا !!
- نعم
- هيا اسمع ياخبير ، هذا ماهوش لا حب ولا عشره ولا حنج ولا جورة ولا قهر ولا قبول
- كان ماهو
- هذا كوروناااا
………………… ..
خلاصة الخبر
#الزموا_منازلكم
#تنويه : القصة من وحي الخيال ، فلزموا منازلكم قبل ان تصبح واقع .