shopify site analytics
عن الحرب المقدسة - تبعات الأزمة الأوكرانية ومفاوضات فيينا على الشرق الأوسط - للقلب والمفاصل.. هذا أفضل عصير يمكن تناوله يومياً - العائِد ممّن عليهم سائِد - إسرائيلية تسخر من التطبيع مع الإمارات في أغنية - لماذا أغضبت الفنّانة العالميّة إيما واتسون “إسرائيل” - دور الأسرة والفرد في مكافحة الفساد - طلاب اليمن في الخارج يتداعون لتنظيم حملات إعلامية ووقفات احتجاجية تنديداً لتأخر مستحق - مخططات التهجير لن تقتلع شعب فلسطين من ارضه - الحكومة القادمة بين النتائج والتحالفات. -
ابحث عن:



صنعاء نيوز - 
   شكوى من معلم زنكَلاديشي خلص صبره، سنعرضها باللهجة الزنكَلاديشية: مثل ما كلها ضدكم يا تدريسيين، مثل ما تتحملون زخم 60 طالب بالقاعة وأكثر، مثل ما شروطهم تتنفذ بيوم وليله، شروط اللبس

الثلاثاء, 07-ديسمبر-2021
صنعاء نيوز/حيدر حسين سويري -

شكوى من معلم زنكَلاديشي خلص صبره، سنعرضها باللهجة الزنكَلاديشية: مثل ما كلها ضدكم يا تدريسيين، مثل ما تتحملون زخم 60 طالب بالقاعة وأكثر، مثل ما شروطهم تتنفذ بيوم وليله، شروط اللبس والقيافة والجوارب ولا تضرب ولا تصيح و..... كتب رسمية صارت بيوم وليله...
بيكم حظ يا معلمين اخذوا حقوقكم: ليش الترفيعات مو من تاريخ الاستحقاق؟ ليش جاي تنعلس عليكم سنه وشهور بحجه موازنه وما عدنا؟ ليش الترفيع تمر سنه يله ينطوها؟ ليش قانون حماية المعلم ماكو؟!
بضميركم كم حادث صار للمعلم وانهان وانتقص من كرامته؟ وبيهم انطك ونضرب وتهدد بسبب عدم سماحه غش او منعه لغش، لو تهدد وجروا عليه سلاح، كم حادثه صار وحنا اعلامنا ضعيف ما ننشر الذي بصير ضدنا؟ وإذا صار شيء علينا بيوم وليله القنوات والبيجات تشتغلنا مربعتين!!
ليش؟!
من معلم ينسحل، ماكو اعلام، ماكو طشه، ماكو نقابة توكف لك، محد يلزم ظهرك، كل هذا علمود 580ألف، 400ايجار و180كراوي الله شاهد، ليش جاي نتحمل فوق طاقتنا، علمود هل العيشة غير؟! ليش الراتب أدنى راتب؟ شهادة شكبرها شكَدها ودراسه وتعب و.....
ليش محد يطالب بزيادة الراتب؟ او تعويض عن دوام يوم السبت؟ او بدل ايجار وطعام كما حال الوزارات الأخرى؟ ليش إذا تلميذ تخربط بدرسك؟ متكَدر تحمي نفسك من أهله ومن الكَوامه التجيك؟ إذا طالب طلعته وعثر وطاح؟ طلع بدرسك أنت المتهم!
يا ناس جاي نداوم على حساب ارواحنا على حساب صحتنا؛ مثل ما كل الجهات تحط شروطها علينا لازم نوحد كلمتنا، هم عدنا مطالب، لازم نداعي بيها ولازم تتنفذ، كافي نتحمل على حساب صحتنا ورزق عوائلنا؛ نواجه طلاب يشهد الله لا خلقه ولا اخلاق ولا دراسة، ولو بيدهم يسحلونا، بس هاي بقت! كافي نتحمل غش الامتحان الخارجي علني وما نقدر نتكلم، كل سنة في الامتحان الخارجي (روحوا راقبوا) على يا ساعة بطلقة ونروح الى رحمة الله إذا منعنا غش؛ كافي نتستر على مهازل وزارة التربية اتجاه المعلمين، الطالب الخارجي كَام يدري بالغش (استاذ اطلعهن هسه لو بعد؟) من غير التليفونات التي تملأ جسمه في كل مكان! كافي، يزي عاد مو بزعنا...
وإذا تحب وزارة التربية تتأكد من مهزلة الامتحانات الخارجية وغشهم الذي بلغ 100% خل تسوي استبيان سري للمدرسين وتكتشف النسب، المدرس صار يخاف يتكلم، لان عيشته وعيشة عائلته على هل المهنة الكَشرة... لهنا وكافي يا وزارة التربية، غسلتوا المعلم غسل وشريتوا ع الحبل وصار مهزلة لليسوه والما يسوه وانوب جاييني بقرار اللبس وكذا؟ قادرين على هاي السوالف!؟ لازم اكو حل يا نقابة المعلمين، اسمكم نقابة وما جاي نشوف منكم شيء اتجاه المعلم، ألف معلم انهان والنقابة صم وبكم مجرد تصريح!!
بقي شيء...
كمعلمين نرى ان التعليم الالكتروني فاشل، خصوصاً في مرحلتي الابتدائية والمتوسطة، لكن لا بأس به إذا كان بجانب الحضوري؛ كمعلمين عانينا من الجهد والتعب بسبب سوء التخطيط والتوزيع من قبل الوزارة، وبالرغم من هذا كله فإننا نطالب باستمرار الدوام الحضوري، فالتكنولوجيا هي مجرد أداة لتحفيز الأطفال وجعلهم يعملون معاً، لكن وجود المعلم هو الأهم في حياة المتعلم.
أضف تعليقاً على هذا الخبر
ارسل هذا الخبر
تعليق
إرسل الخبر
إطبع الخبر
RSS
حول الخبر إلى وورد

ملخصات تغذية الموقع
جميع حقوق النشر محفوظة 2009 - (صنعاء نيوز)