صنعاءنيوز / الشاعرة / نورا سليمان الوصابي -


الشاعرة / نورا سليمان الوصابي *

بانقش حروف أبيات شعري على الماس
 وأكتب بدمي حبها شي أساسي

لأني ملكت أرقى المشاعر والإحساس
  وأصبح كلام الشعر سادس حواسي

غرفت أنا من منهل الشعر في كأس
ومن بحور الشعر أمليت كاسي

من أرض وصاب مسكني على الرس
 روضة جنان أرض اليمن فاض حماسي

حبيت أنا والحب أشكال وأجناس
لكن حبي قد فاق حد القياسي

أصبح هواها شي صادق وحساس
  وحبها أنساني أهلي وناسي

أغار عليها والفؤاد ماعليه باس
من كل خائن أو عميل أو سياسي

محبوبتي ماهي بشر أو من الناس
 لأن المحبه للبشر عقباه مأسي

أرض اليمن محبوبتي طيب الأنفاس
هي نور عيني موطني تاج راسي

ترابها فاق الذهب فاق الألماس
وأغلى من السلطه وملك الكراسي

من حبها يبشر يعيش شامخ الراس
ومن خانها تحت الجزم با يداسي

من حبها يثبت ويبصم بالأخماس
من قلب صادق مش كلام دبلوماسي

* الحديدة