صنعاء نيوز/كلمات/ علي منصور أحمد -
يا عين اسكبي دمعي وشني .. على ما سال من دمعه وشنه
وأن جاه الغلط أو صار مني .. أنا ملتـــام لــه والعفــو منه
مهما ابتعد أو غاب عني
أنا والله ما با غيــب عنه
وان قلبه قنع أو تاب مني
أنا ما ظن أني توب منه
****
بـــلاني الله به عينـه بعيني .. كمل عمري وانا عيني بعينه
عشقته مثلما عشقي لفني .. ومتفـــوق على عشقـــه وفنه
مهما ابتعد أو غاب عني
أنا والله ما با غيــب عنه
وان قلبه قنع أو تاب مني
أنا ما ظن أني توب منه
****
قلب طبعه تدخـــل في شئوني .. وقلبي وما تدخــل في شئونه
نصب حاجز قوي بينه وبيني .. نسي الماضي وما بيني وبينه
مهما ابتعد أو غاب عني
أنا والله ما با غيــب عنه
وان قلبه قنع أو تاب مني
أنا ما ظن أني توب منه
****
رضي فيا مسحها في جبيني .. وأنا والله ما اسخي في جبينه
وما قلبي وشاء أو خاب ظني .. ولكن هـو وشاني خاب ظنه
مهما ابتعد أو غاب عني
أنا والله ما با غيــب عنه
وان قلبه قنع أو تاب مني
أنا ما ظن أني توب منه
****
عاملني على مقدار وزني .. وعاملته على مقــدار وزنه
طعن نفسه وظن انه طعني .. طعن في حبنا مليون طعنه
مهما ابتعد أو غاب عني
أنا والله ما با غيــب عنه
وان قلبه قنع او تاب مني
أنا ما ظن أني توب منه
****
لي ما يجلس إلا عا يميني .. وأنا ما نـــام إلا عا يمينـه
كل ما اذكـره والقلب حني .. اسمع نبض في قلبه وحنه
مهما ابتعد أو غاب عني
أنا والله ما با غيــب عنه
وان قلبه قنع أو تاب مني
أنا ما ظن أني توب منه
****
كورنيش عدن
٢٣ مارس ٢٠١٦م
| 
ما با توب منه!